Xogos populares

 Coincidindo coa celebración o 17 de Maio do Día das Letras Galegas, durante este mes levamos a cabo unha Unidade Didáctica de Xogos Populares.

Primeiramente pedimos colaboración ás familias. Así a cada neno/a entrégaselle unha ficha que deben completar cun xogo ao que os seus pais/nais, avós/avoas,... xogaban cando eran pequenos. Con todas esas fichas recompiladas, elaboramos un ficheiro que quedará en cada aula. Trataremos de levar á practica a maior parte deles, que cada neno/a explicará ao resto dos seus compañeiros/as.

Con esta Unidade Didáctica ademais de contidos propios da área de Educación Física, tamén traballamos de forma interdisciplinar. Coa posta en práctica deste xogos estamos traballando o coñecemento de parte do noso patrimonio social, natural e cultural, relacionado directamente coas áreas de Ciencias Sociais e Naturais.

Moitos dos xogos recompilados son xogos con música, xogos cantados ou incluso bailes, o que supón o traballo de contidos propios da área de Educación Musical.
















Comentarios

Publicar un comentario

Entradas populares de este blog

Actividade Física no medio natural

Imagen
Dado que somo un cole rural, e as instalacións deportivas das que dispoñemos escasean, tratamos de aproveitar ao máximo a nosa contorna. E somos moi afortunados, xa que nas 3 escolas dispoñemos moi preto de espacios naturais ao aire libre para levar a cabo diferentes actividades físicas como camiñatas, carreiras de orientación,..ou simplemente moverse polo medio das árbores. E que ben o pasamos. Ao mesmo tempo que realizamos actividade física tamén coñecemos o nome de prantas, árbores, animais que nos podiamos atopar así como aprendiamos a respectar o medio ambiente e a coidalo. Moitos luns ao chegar ao cole atopábamos restos le lixo da fin de semana. Como non nos gustaba velo así, recollíamolo e puxemos queixas no concello e nos xornais.
Leer más

Unidade Didáctica Material de Refugallo

Imagen
 Nos meses de marzo e abril, nas clases de Psicomotricidade e Educación Física, estamos levando a cabo unha Unidade Didáctica con material de refugallo. O obxectivo fundamental é mellorar a Competencia Motriz dos/as nenos/as mediante o emprego de diverso material: botes de deterxente, follas de xornais,pratos, vasos,... Deste xeito estamos traballando de forma interdisciplinar a Educación Ambiental, transmitíndolle aos nenos/as valores como o respecto polo medioambiente. Que se percaten que para mellorar, para divertirse non é preciso dispoñer de material manufacturado pagado a precio de ouro.
Leer más

Magosto

Imagen
 O Magosto é de longa tradición no noso cole. Os anos anteriores as 3 escolas xuntabamonos para celebralo xuntos, este ano debido á situación que estamos a vivir non foi posible pero non por eso  deixamos de celebralo.  O traballo comezou días antes coa preparación de diferente material para empregar ese día: elaboración de bolos, tres en raia, tirachinas,... Este traballo realizouse dende todas as escolas coa colaboración tamén dos especialistas, traballando así contidos de diferentes áreas, contidos transversais. Ata compuxemos e cantamos un canción sobre o magosto nas nosas escolar.
Leer más